Tura, September 6, 2022: West Garo Hills a•jani Deputy Commissioner of Supply, National Food Security Act (NFSA)-ni ning•o ga•akgipa AAY aro PHH kangal cholgri nokdang (Beneficiaries)- rangna Pradhan Mantri Ujjwala Yojana (PMUY) Scheme-ni gita LPG Gas Cylinder-ko indin suale on•gen ine u•iataha.
LPG Retail Outlet-rangoniko Application ba KYC form-ko man•gen. Indake PMUY-ni gita indin sualenggipa LPG Cylinder-ko man•na gita, AAY ba PHH card zerox copy, EPIC Card zerox copy, SBI Bank Account, Zero Balance zerox copy aro passport size kingsa-ko on•chapna nanggen. Ia scheme-ni gita sualenggipa LPG Cylinder-ko man•na gita Aadhar Card-ko nangjawa.
Talbate ma•sina sikgenchimode, LPG Retail Outlet-ona re•ange sing•ena gita man•gen. Tura songjinmani Supply Department-ni Inspection aro Staff ja-anti Retail Outlet-rangchi re•ange sing•sandie report-ko DC-na on•echina ge•etangaha.