Tura, March 30, 2023: A•chik Conscious Holistically Integrated Krima (ACHIK)-ni dilgiparang, Khasi Authors Society (KAS)-ni 8 Schedule-o Garo Ku•sikni a•selsa Khasi Ku•sikkora•gatna man•jaenga ine agangipa kattako raken jegalatah
Adita salrangna skang KAS-ni General Secretary RP Kharshing, Garo Ku•siko chu•onggijanirang donggenchimode, uarangko galchange Khasi Ku•sikko 8-gipa Schedule-o ra•gatna nanga ine aganahachim.
ACHIK Organisation-ni Education Secretary Macklawrence M Sangma, “KAS dol jean gitcham dol ong•a, uamangni indakgipa kattarangko knasona chinga ka•dongjachim. Meghalaya Assembly-o Garo aro Khasi Ku•sikko 8-gipa Schedule-o ra•gatna gita Resolution-ko pass ka•aha, indiba iani bidingo ma•mong sorkari namedake chekuenga. Kharshing, Garo Ku•sikko ‘belittle’ ine aganaha, jeni miksonga gamchatjagenchimode, ra•galgen ine ong•a. Uni indakgipa kattarangko aganne, A•chik jatko chonnikaniara kraani ong•chongmotja” ine jegalataha
North East a•jani bang•a biaprangon, A•chik jatrang gnang, una agreba West Bengal aro Bangladesh-oba gnang, jeon A•chik jat MP ong•enga. Una agreba Assam aro Tripura a•doko A•chik MLA-rang gnang ian A•chik jatni jelbra jelsruaniko mesoka.
Khasi Ku•sik gitan Garo Ku•sikkoba skulrango, college-rango aro University-oba poraienga ineba agandapataha.