Shillong, Mar 19, 2023:India a•songni dal•batsranggipa Vice Chancellor-rang aro Director-rangni tom•bimonganiko re•baenggipa March 23 tarikoni 25 tarikona Shillong songjimao ong•atanggen ine parakataha.
Ia chang 97-gipa Annual General Body Meeting aro National Conference of Vice Chancellers, 2023-ko Association of Indian Universities, New Delhi ong•atenga.
Ia tim•bimonganiko University of Science & Technology, Meghalaya sokachakgen aro tangka paisarangko North Eastern Council dakchakangskagen ine u•iataha.
Misongani, “Partnering to Transform Higher Education for Admanirbhar Bharat’-o pangchake ong•atanggen.
Ia tom•bimonganio India-ni gitcham President, Governor, Skotong Minister, sakgni Education Minister, Chairman, Economic Advisory Council to Prime Minister, Central, State aro Private University-rangni sak 550-na bate Vice Chancellor-rang, sak 50-na bate Statuary High Official-rang, sak 10 Distinguished Foreign Delegate-rang aro Policy Maker-rang aro sak 20-na bate IISc, IITs, NITs-ni Director-rang bakko ra•anggen ineba parakataha.