Tura, Feb 9, 2023:Election Commission of India (ECI) re•baenggipa Assembly Election-na General Observer (GO)-rangko watataha ine West Garo Hills-ni District Election Officer (DEO) u•iataha.
Watatako man•gipa General Observer-rang Tura-ona sokbae, Tura Circuit House-o dongenga ineba u•iataha.
Uni gisepon election-na on•gimin niam, Model Code of Conduct (MCC)-ni bidingo saoba General Observer-rangna badi ka•na nangode, ka•mao on•atenggipa phone number-rango call ka•e badi ka•na ba grongena man•gen ineba u•iataha.
IAS Officer, Avadhesh Kumar Tiwari, 46-Phulbari (Gen), 47-Rajabala (Gen), 48-Selsella (ST), 50-North Tura (ST), 51-South Tura (ST) elakkarangni General Observer-ko Tura Circuit House-o pring 10 bajioni 11 bajiona gronge badi ka•na ba ia phone number 9233473075-ona call ka•e u•iatna man•gen.
IAS Officer Sanjeev Kumar, 52-Rangsakona (ST), 56-Gambegre (ST), 57-Dalu (ST) elakkarangni General Observer-ni phone number 9233473640-ona call ka•atna ba grongna man•gen.
IAS Officer Ma Ranjita 44-Raksamgre (ST), 45-Tikrikilla (ST) aro 49-Dadenggre (ST) elakkarangni General Observer-ko Tura Circuit House Conference Hall-o pring 11 bajio grongna aro ia phone number 9233473083-ona call ka•e u•iatna man•gen.