Shillong, November 30, 2022: Me•asa sakgni aro me•chik saksako pulisrang rim•aha ine koborna parakaha.
Koborko man•soni gitade, Khanapara pulis station-ni ning•o donggipa 10 Mile Petrol pumponiko to chipaha.
Petrol pumpo kam ka•enggipa mandeni u•iatani gitade, uamang sakgittam gari nombor (AS-O1AJ-1610)-ko salengachim. Uamang petrol pumpona re•bae hajar 3-ni to chipaha, indiba tangka gamgija katangaha.
Uamangni tangka gamgija katanina, petrol pumpo kam ka•enggiparang uamangko rikangenba 9 mileo srapeaha aro pulisna pakwate on•ataha.
Ia obostani bidingo badi ka•aniko dake segataha ine pulisrang parakaha.