Skotong Minister Garo aro Khasi ku•sikko 8-gipa Schedule-o man•chapatna chanchidilanga  

Shillong, Sept 14, 2022: September 9 tarikoni ong·atenggipa Assembly Autumn Session-o, Khasi aro Garo ku·sikrangko 8-gipa Schedule-o napchapatani bidingo aganchakanio, a•dokni Skotong Minister Pa Conrad K Sangma Khasi aro Garo ku·sikrangko jakkale agan talatanirangko on·angenba Butbar salo Ma·ambiko tariaha.

Agan jera ra·grikanirango aganna nangnikgipa ku·siktangko jakkalna cholko on·na nanga, je a·doko jakkalenggipa ku·sikrangko tang·doatna mikkangchi namgniko ra·bagen ine Skotong Minister parakataha.

Skotong Minister Conrad Sangma-ni agananga gitade, Aassembly tom·ao dingtangmancha jera ra·grikanirangko a·jatango aganronggipa ku·sikko jakkale agananichi Meghalaya a•doko songdongkamgipa jatgittam manderangni aganenggipa ku·sikrangko man·chapatani aro ra·chakani kattarangko sokatna man·gen ineba parakataha.

“Deputy Speaker, anga ia cholko ra•e nang•oni gita Speaker-ko anga mol•molna sikenga, an•ching an•chingni ku•sikrangko tang•doatna sika ong•ode, Garo aro Khasi ku•sikko an•ching tang•doatna aro an•chingni jera ra•grikanirangko Garo aro Khasi ku•sikko jakkalna an•chingni membor-rangna cholko on•na nanga” ine Conrad Sangma aganangaha.