Shillong, August 22, 2022:Assam aro Meghalaya a•dokni sima arini bidingo gnigipa changna golpogrikaniko Assam-ni skotong minister baksa a•dokni skotong minister Conrad Sangma Robibar salo chanchirimaniko dakangaha.
Skotong Minister sakgni Area of Difference (AOD)-ni ning•o donggipa dam 6 songrang Khanduli, Psiar, Block 1 & Block 2, Borduar, Langpih, Nongwah-Mawtamur, aro Desh Doomreah-ni bidingo chanchirimaniko dakanggen ine u•iataha.
Indake sal 15-ni gisepo, A•dok ge•gnini sorkarian Regional Committee (RC)-ko songe, Cabinet Minister-rangko Regional Committee-ni Chairperson songgen. Karbi Angling District Council (KADC)-ni membor-rangba RC-o bak dongpagen.
RC-ko songani ja•mano, biaprangko nianggen aro jinmani raiko ra•gen. Manderangna ka•donganiko on•na gita, anga an•tang aro Himanta Biswa Sharma baksa apsan chinga biaprangko re•ange nianggen ine Skotong Minister Conrad Sangma u•iataha.