Youth Congress MPCC dilgipa sakgni aro candidate sakgniko bimang tarie so•e gala 

0

TURA, Jan 28, 2023:MPCC dilgiparang party-ni ideology-ko ja•rikgija an•tangtangni sika gita gital manderangna party ticket on•ani a•sel, Youth Congress ka•o nange, MPCC President Vincent Pala, Working President Deborah C.Marak aro sakgni Congress candidate, Bellykid A.Sangma, Saleng A.Sangma-ni bimangko tarie Tura Congress Bhawan mikkango so•e galaha.

MPYC re•anggipa Bristibar salon Salmanpara elakkami Sinbath Ch.Marak, Selsella-ni Reynold M.Sangma aro Gambegre-ni Saleng A.Sangma-na on•gimin party ticket-ko ra•galpilchina dabie konta 24 somoiko on•ahachim, indiba Vincent Pala aro Deborah C.Marak maniteljani gimin uamangni bimangko tarie Sukrobar walo so•e galaha.

Meghalaya a•doko Congress party be•grue bilhriengon, ka•sinne party-ko bilakatna kam ka•ani pal batesa Vincent Pala aro Deborah Marak, mikkang nitee, gital manderangna ticket-ko on•aha, ru•uta bilsirangna party-o kam ka•enggipa manderangna party ticket on•pilgija, batesa party-tangni manderangko chonnike roenga ine parakataha.

Congress party-ko bilakatani pal batesa congress nokdango kajia ong•e, election sepango sera bera ong•aniara Vincent Pala aro Deborah Marak-ni a•selsa ong•enga aro Congress-ko bilgriatenga ineYouth Congress-ni dilgiparang parakataha.

NCP Padot aro Gambegre-ni MLA Saleng A.Sangma aro TMC-ni gitcham membor aro Selsella-ni Congress candidate Reynold M.Sangma-ni chanchianiko ra•ani a•sel MPCC dilgiparangni kosako Youth Congress ka•a ding•doe, uamangni bimangko tarie so•e galaha.

Indake ong•engon, MPCC dilgiparangko ta•rake kam ra•onchina Youth Congress dabiangaha. Maina bang•bata salrangon MPCC dilgiparang chadamberangni kattako knachakrongja aro dal•e ra•ja batesa onchepronga ine Youth Congress parakataha.

Uni gimin MPCC dilgiparangni kamko jegale, Youth Congress re•baenggipa election-na skang Youth Congress-oni ong•katgrimgen ineba ka•mikkenataha.

Leave A Reply

Your email address will not be published.