WECard-na registration ka•gipa me•chikrang sak laksa bata 

0

Tura, Dec 27, 2022: Meghalaya TMC Mahila-ni State President Ma Selma D.Shira aro Vice President Ma June Eliana Marak, Meghalaya Financial Inclusion for Women Empowerment (MFI-WE) Scheme-ni ning•o ra•gatgipa WE Card-na me•chikrang Registration ka•a, Meghalaya a•doko sak lak 1,00,000 batahani gimin namen kusi ong•aniko parakataha.

TMC Mahila-ni dilgiparang dingtangmancha WE-Card-na registration ka•gipa me•chikrangna kusi ong•chake, mittelpilskaani kattarangko parakataha.

Ia WE Card-ara dingtangmancha me•chikrangko dakchakna aro mikkangchi ma•giparangni kamko bilakatna miksonge, TMC-ni Chairperson aro West Bengal-ni Skotong Minister Mamata Banerjee-ni re•anggipa December 12 tariko a•bachengate on•anggipa scheme ong•a.

Ia WE Card-o registration ka•gipa nokdangni me•chik sakprakna jao tangka gong hajal 1000 ka•e, bilsio gong hajal 12,000-ko man•gen. Ia tangkako man•na gita sakanti me•chikrang registration-rangko ka•china Mahila dilgiparang mol•molataha.

Leave A Reply

Your email address will not be published.