Shillong, March 29, 2023: Voice of the People’s Party (VPP)-ni Padot aro Nongkrem elakka-ni MLA Ardent Miller Basaiawmoit, a•dokni Skotong Minister Conrad Sangma-ni Roster System-ko ra•gatani bidingo “Rasonggri” ine matnangaha.
March 27 tariko Skotong Minister Conrad Sangma, Assembly-ni Membor-rangko, Roster System-ko ra•gatani bidingo Court-ni on•gimin raiko re•galchina aganani bidingo Ardent Basaiawmoit aganchakskaengon,
“Legislature aro Executive-ni kamko ma•sigijagipa Skotong Minister-ko man•ne, an•ching pilakan rasonggri ong•aha. Judiciary-ara maia? Uamang niamko aro policy-ko tarija. Indiba legislature aro executive-sa taria. Judiciary-ni kamde niamko ra•gatanisa ong•a. Skotong Minister an•tangni kamrangko u•ijaniara namen krachabeani ong•a” ine aganaha.
Uni gisepon kobor ra•timgiparang Basaiawmoit-ko Reservation Policy-ko nipiltaiani aro Roster System-ko ra•gatani bidingo dontongchenganiko sing•on, “A•dok sorkari jinmani namgnina chanchie kamrangko ka•na nanga. Chinga darang jatko chonnike ba mikchepe aganja aro darang jatni man•gniko ra•sekdrana sikja, indiba ia Policy dolsanasan mikpakma nia gita ong•a” ine aganchakaha.