Tura sepang jolrango municipality niam gri check gate-rangko chalaienga:Saleng 

0

Shillong, Mar 26, 2023: Tura sambajolrango Municipality Board niam gri Check Gate-rangko chalaienga ine Sukrobar salo, Gambegre Elakkani Congress MLA, Pa Saleng A Sangma parakatenba, uandakgipa check gate-rangko chalaienggipa manderangni kosako rakgipa ja·kurangko de·china a·dok sorkariko didiangaha.

Pa Saleng Sangma-ni parakatani gitade, a·doko game ge·e cha·giparangko bilakatna nangengani gimin, Tura-o niam gri Municipality Check Gate-rangko chalaiengani a·sel game ge·e cha·giparang, kajinarangko gamna nangani gimin noksan ong·aniko man·enga.

Municipality Toll Gate-rangko chalaina man·jani gimin Tura-ni sambao municipal toll gate-ko kulianiara niamni a·palo ong·a ineba Gambegre MLA parakataha.

Saleng Sangma iani bidingo Minister-na u·iatmanaha, ine talatenba, indake niam gri toll gate-rangko chalaijachina didiangaha.

A·dokni Cabinet Minister Dr Ampareen Lyngdoh, iani bidingo aganchakaniko on·angskaengon, ia check gate-rangara badiaba political dolrang baksa jak donggipa manderangni kamrangsa ong·enggen ine parakataha.

“Chinga ma•sia game ge·e cha·giparangni neng·nikanirangko aro game ge·e cha·giparangko mangrakbatatna chinga jotton ka·enga. Uni gimin an·ching sakantian ia daitoko ra·na nangenga,” ineba Dr Lyngdoh agandapangaha.

Iandake game ge·e cha·gipa manderangoniko kajina gile ra·aniko a•dok sorkari nie dongjawa ineba Lyngdoh parakataha.

Leave A Reply

Your email address will not be published.