Ampati, October 23, 2022:South West Garo Hills a•jani pulisrang Ampati Pulis Station-ni ning•o ga•akgipa Julgaon songjolniko Yabba Tablet gram 150-ko man•aha ine koborna parakataha.
Ia Yabba tablet-ko badingenggipa sakgni manderang a•damoni joke katangaha.
Pulisni u•iatani gitade, Mankachar songoniko pekgipa bosturangko ra•baenga ine kobor man•soe, Julgaon songo Naka Checking-ko a•bachengataha. Indake pulis Naka Checking-o rosoaniko nike, 300 metre mang chel•aoni biketangko gale katangaha. Pulisrang bike-tangko gale katanggipa manderangko rikangoba srapjaha. Uamangnj galanggipa bike-ko namedake nioan, gitchak rongni aro tangsek rongni yabba tablet rong 90-ko man•aha.
Unbaksana dongale katanggipa bikeni registration nombor
ML-08D-1703 ong•a jeni bidingo pulisrang nambate ma•sina gita sing•sandianiko dakenga ineba u•iataha.