Sogin do•oko ripingani bidingo mikkrakatanga

0

Tura, March 26, 2023: East Garo Hills aro West Garo Hills a•jani Wildlife Division aro Divisional Forest Officer, Sukrobar salo Tura Dakopgre-ni CF Conference Hall-o sogin do•oko ripingani bidingo mikkrakaniko on•angan baksa trainingko on•angaha.

Ia tom•aniko Bombay Natural History Society (BNHS) aro Conservation Breeding Centre, Rani Assam baksa bakrime ong•atangaha.

Vulture Conservation Breeding Centre, Rani Assam-ni Senior Centre Manager, Sachin P Ranade, sogin do•orang sigipa matburingrangko cha•e janggi tanga. Soginrang sigimin matburingrangoni ong•katgipa kenbegnigipa sabisirangko bon•atna dakchakaniko on•a.

Indiba India a•songo sogin do•orang komiangengaha. Uni gimin sogin do•oko ripingna gita Vulture Conservation Breeding Centre (VCBC)-ko Bombay Natural History Society (BNHS) baksa bakrime bikotaha.

“Mandeni jillanirang jekai matchurang aro do•bokrangna uamangni samitingo anti-inflammatory drugs-ko pain-killer dake jakkalna on•ani a•sel soginrang sie bon•enga. Sam jakkale sigipa matburingrangni bimangko soginrang cha•ahaon, ua drugs soginni be•en ning•chi nape ka•sop aro ka•tongrangko nosto ong•ate siata. Sogin do•orang bi•sa pe•na ru•uta somoirangko nanga. Uni gimin man•a dipet an•ching sogin do•oko ripingna nanga” ine aganangaha.

East Garo Hills aro West Garo Hills a•jani Wildlife Division-ni Divisional Forest Officer, Tura Social Forestry Division-ni Officer Rupankar Marak, Animal Husbandry aro Veterinary Department-ni Official-rang, NGO-rang, Forest Department-ni manderang ia tom•anio bak ra•angaha.

Leave A Reply

Your email address will not be published.