Skotong Minister Meghalaya-o bading-chiwalaniko tang•doatna a•bachengata

0

Shillong, Dec 28, 2022:Indiani GDP 3 trillion $ ong•nasiengahani gimin a•gilsak gimiko 6-gipa gadango ong•enga. India 3 trillion $ ong•na gita rikenga aro uandake 5-gipa gadangona sokdona gita krengenga ine parakataha.

Chu•gimik GDP-o, Salgro-Salaram a•dokrangni on•gilaniko niatgenchimode, dam 8 Salgro-Salaram a•dokrang on•gilanirang namen komia ine nikna gita man•gen. Indiba, ia biaprango ong•telaigipa gam-jinrang suake dongasan ong•aija, indiba a•gilsakni dingtang dingtang kamrango namen changgipa sapgiparang bang•en donga. Ma•mong sorkari aro a•dok sorkarini Itihas-o indake Salgro-Salaramni a•dokrangko galchipaniko sandiode, nikna gita man•gen. Da•o ia galchipgimin, Salgro-Salaramni a•dokrangko niatna gita nangenha, jedakode dal•roro-silrorona man•gen.

India sorkari dingtang dingtang kamrangna tangkarangko on•engon, a•dok sorkari ia tangkarangko name jakkalna aro kamrangko name ka•angna gita nirokatna nanggen.

Ia dam-8 a•dokrang batanggimin bilsirango Meghalaya-o ka•sin ka•sin ja•kurang ga•engaha ineba parakataha.

Re•baenggipa bilsi 10-ni gisepo dam-10 nambatgipa a•dokrangoni damsa ong•na krengengon, a•doko tangkarang aro korosrang ka•ani bidingo changgni bariatna nangengaha. Indake ong•engon, a•dokni gam-jinrangko jakkale namgipa aro bilakgipa kam ka•aniko nangenga. Ian altuagipa kam ong•ja, maina karkanarangko aro a•ningoniko cho•e man•gipa bosturangko bikotanichi, Meghalaya-ni manderang, uamangni samtangtang donggiparangna ka•sae simsakaniko dake champengani ong•gnok.

Iako dakengon, bang•a a•paloni kam ka•gipa manderang bilsianti a•dokona re•bagen aro iandakgipa biapo bading-chiwalani dal•dalgipa nokrangko chasongnaba niksamsokuja. Tourism sector-ko a•doko tang•doatna on•gilgipa ong•enga, indiba ian a•dok gimikni manderangna namgipa gadango janggi tangani cholrangko on•na gita chu•ongkuja.

A•dokni skotong Minister Conrad Sangma kamrangko ka•na changgipa ong•a, jean a•doko namroro silroroaniko ra•baanio mongsonggipa ong•a baksana obostarangko u•igipaba ong•a. Ua manderangni nangnikanirangko u•igipa ong•a. Adita salrangna skang, a•dok sorkari pilak gadango, bading-chiwalaniko a•bachengdilgiparangko ong•atna sikenga ine aganengon, game cha•anio, cooperative-rang aro urban service sector-o bakrimgiparang ong•a. Ia bading-chiwalaniko dakdilgiparang mikkangchi an•tangtangna kamrangko sandigiparang sakgipinrangna kam ka•ani cholrangko on•skagipa ong•gnok.

Uni chanchisamsoanide, ka•maoni kosakosa kam ka•doani bewal ong•a, jean songsalo a•bachenggipa gadangoni kam ka•giparangko bilakatani ong•a aro ian songsalo namroro-silroroaniko ra•bae bilakgipa kamrangko ka•ani dakbewalrangko ra•bagen. Ia skanggipa gadango kam ka•giparang ba game cha•giparangko dakchakna pilakni gitan dakchakani cholrang donggen. FOCUS program-ko uamangna tangka-paisani bidingo dakchakna gita a•bachengataha aro unbaksana skie on•ani aro uamangni ge•e-game man•gipa bosturangko chimongani, sak 2.7 mang game cha•giparangko FOCUS aro FOCUS+ program-ni ning•o ra•baaha aro sak 50,000 mang game cha•giparang/producer-rangko Mission Mode project-rangni ning•o ra•baaha, jean mingsan ba rokomsanna kam ka•ani ong•a, jekai Lakadonh Holdi, e•ching, wak jilani.

Meghalaya Basin Development Authority, game cha•giparangni man•giminrangko chimonge donna, tarina aro palna-sim•na gita songdonggipa manderangni dakdilgipa cooperative-rangchi uandakgipa kamrangko skie on•aniko dakenga. Ia cooperative-rangara gnigipa gadango ong•a aro ian ge•a-gamanirangko aka-tetani ja•mano kam ka•gipa gadango donggipa ong•a. Ian ge 500-na bate, Integrated Village Cooperative Society-rangchi nokdang ge 1,00,000na baten janggi tanggi cholrangko on•enga ine parakataha.

Meghalaya sorkari Skills Meghalaya Program-ko a•bachengataha, jeon bang•a namdapanirangko skie on•anirang donga, jekai bading-chiwalani kamrangko an•tangtang a•bachengate changa-sapani aro janggi tangani cholrangko dake ra•na je mandeba re•bae janapatgimin cholrangko skie ra•aniko dake kam ka•na cholrangko ra•na man•gen.

Sorkari lak 1.2 chadamberangko ia program-ni ning•o skie on•anirangko dakna gita miksongenga.Gittamgipa gadango a•dokni jilanirang ong•a. Meghalaya sorkari pilak janggi tangani cholrangko watchanggija bikotenga.

Chadamberangko bading-chiwalaniko a•bachengdilgiparang ong•na tarina aro didina gita PRIME-ko a•bachengataha. Ia program-o sak 1500-na baten bading-chiwalaniko dakgiparang bimingtangko segatenba skie on•enga aro tangka paisarangchi dakchalaniko on•aha. Uamango namnamgipa aro bang•a cholrang Tura aro Shillong-ni incubation center-rango skie on•aha aro iandakgipa biaprangko dam-8 tariengkua ineba parakataha.

IT Service sector-o, Meghalaya Sorkari Shillong IT Park-ko tariaha, jean sak 1500 chadamberangna janggi tangani cholrangko on•aha aro gnigipa bako sak 4000-na janggi tangani cholrangko on•na a•bachengaha aro ru•utgija salrangni gisepon matchotnasienga.

Ia gadang gittamni name ka•aniko Catherine Dohlingni golpoaniko nikna gita man•gen. Ua dingtang dingtang cha•anio on•gipa bosturangko palaha.

Uandakgipa bosturangko tarina cooperative society-rangoniko bree ia cooperative society-rang uarangko game cha•giparangoniko ra•skaa. Ua ia bosturangko a•doko ba a•songosan palaigija, gipin a•songrangonaba palna watatenga. Bang•a international food show-rangchi re•ange an•tangni palanirangko mesoke a•dokna nama bimingko ra•bana man•gen.

Ia kam ka•anirangko mingprakprak niatgenchimode, chonne aro gamchatgija niknaba gnang, jekai FOCUS-ni tangka 5000-ko saksa game cha•gipana kominaba donga, indiba sak-10 game cha•giparang sakprako 5000-ko ra•e re•baode, uamang kolrangko nanggipa bosturangko ra•e nambata biterangko man•na amgen, jekon cooperative society-rang ra•e tarina man•gen aro uko bading-chiwalgiparang a•songni aro a•songni a•palni dingtang dingtang antidamrango palna gita man•gen. Ia kam ka•ani bewalko name dakenba janggi tangani cholrangko bikote, tangkarangko bang•bate man•gen aro uandakgen janggi tangani bewalko tang•dogen.

Meghalaya-o janggi tangani cholrangko bang•bate a•paloni dakchakatanirangko pangchakbata aro adita somoirangni ja•mano, ia tangkarangko a•dokni nanganirangna jakkalaha. Da•o sorkari pilakkon nigrike, nanggipa cholrangna kam ka•anirangko dakenga aro iachin nambata biterangko man•na ka•dongenga aro a•dokni chu•soknirangko nikna gita man•enga. Batanggimin bilsi 5-o, Meghalaya bang•a sector-rangon nambate dakgipa ong•aha aro re•baenggipa bilsi 5-rango gipin kamrangni bidingo nambate dakgipa a•dokrangoni kosakbatgipa gadang 10-o ong•na gita ka•dongsoenga ineba parakataha.

Leave A Reply

Your email address will not be published.