Political Analyst-rang jatni dakbewalrangko golmal ka•a:Ampareen 

0

Shillong Jan 24, 2023: Batanggimin bilsisarangoni gipin a•dokoni re•bagipa political analyst-rang Meghalaya-ni manderangna social media-rango dingtang dingtang jingjengatanirangko on•aha ine nikna man•aha.

Ampareen Lyngdoh-ni janapatani gitade, Facebook Profile-rangko tarie sason ka•engippa dolni dilgiparangko chonnike roanirangko bang•en nikna gitaba man•aha.

Shillong songjinmao aro gipin songni pakmarango dilgiparangni noksarangko salaha. Indake political campaign-rangko ka•enga. AITC-ni tom•anirango Assam-ni manderangko rimbae, social media-rango NPP-ni dilgiparangko noksa sale gatataha ine TMC dolko matnangataha.

Iako dakanichi AITC an•tangtangna ramako tarigenchimoba, AITC gualani bang•a.

Da•o, poll campaign-ko chu•gimik I-PAC chalaienga. AITC-ni dilgipa Charles Pyngrope jadokna skang I-PAC-ni Congress-na ba TMC-na a•doko kam ka•anina kusi ong•gijaniko parakataha.

Ian Meghalaya TMC-ni I-PAC aro una dakgrikdilgiparango pangchakani ong•a ineba janapataha.

Ia pangchakani TMC-na dam rakbee gamani ong•enga. Ia analyst-rang Meghalaya-o sason ka•ani dakbewalko nie ra•chengjaha. I-PAC jatni dakbewalko u•ija aro u•ieba gamchate ra•gija, an•tangtangna a•damko tarigiparangsa ong•a.

Meghalaya-o pangnan election-na skang name dakronga. Wal•timo asongduule, dilgipa an•tangni miksonganirangko agananian dakrongbewal ong•a. Indiba ia bilsio gam•chakanirang bataha. TMC-ni jandarangko Meghalaya-o songe samtangtangna nidik-nisi dakaniko ra•baenga ineba matnangaha.

Ian “An•chingni nitogipa a•doko ong•ronggija kamrang aro nikanirang ong•enga.

Iani biterangko da•o nikna a•bachengengaha. Adita salrangna skang, Pynursla TMC-ni sak 26 membor-rang TMC-ni kamna kusi ong•jae TMC-ko wate NPYF-o bakko ra•eaha.

TMC-ni chadambe dolni President Wanshwa Nongrum, TMC baksa December 2021-oni bakrimahachim, indiba Pynursla elakkao kam ka•anirangko chu•ongnikjae, “Party-ni kam namen ka•sina. Chingko jakgitele kam ka•na bilko on•jaha” ine Nongrum parakataha.

Ningrum-ni parakatani gitade, I-PAC-rang jerangan TMC-na kam ka•engachim, party-na kam ka•giparangko an•tangtangni dilgipa dake ra•gija, an•tangtangko ja•rikgiparang gitasa ra•aha.

“An•chingni a•dok nitogipa ong•a aro manderang tom•tome janggi tangna namnikgiparang ong•a. Opposition-ni political dilgiparangko ong•gija dakmesokani aro ong•gija dake mesokanio bak ra•na sikgiparang ong•ja. Meghalaya-o maming saloba lekka pu•onani somoio an•chi-pari nikani dongkuja aro an•chingni pakmarangko political campaign-rang ka•e, rongrangchi noksarang salanirangko nikkuja. Adita salrangna skang, angni ripeng saksa, angna ge•sa noksako watataha, jekon ia political strategist-rang social media-o gatatahachim, jeon an•chingni skotong minister-ko aro uni jikgipako ong•gija noksa salaha. Iandakgipa kamrang politics-ni kam ong•ja aro an•chingni dakbewal baksa melija. Indiba AITC-ni dilgipa adita salrangna skang saksa AITC-ni dilgipa an•tangni social media-o Prime Minister-ko chonnike Khasi-rangni ganding-chindingni bidingo ka•dingani kattako gatatani aiao inmanani ong•ja. Ia dakbewal uamangni kakket ong•gijani aro mande ra•gijaniko mesoka. Anga ka•donga TMC dilgiparang ia seokgimin strategist-rang chingni chanchia gitan chanchigen aro uamangko Bengal-o gitan apsandakgipa niamrangko on•gen.Jeon I-PAC campaign-rangko dakdilenga” Dr Ampareen Lyngdoh koborna parakataha.

Leave A Reply

Your email address will not be published.