PM Narendra Modi 24 tariko Tura-ona re•baenga 

0

Tura, Feb 21, 2023: Meghalaya a•doko BJP dolko bilakatna re•baenggipa February 27 tariko ong•atenggipa Assembly electiono BJP candidate-rangna vote-ko on•ne cheatpachina Meghalaya BJP sakantiko mol•molataha.

Modi sorkari Meghalaya a•dokna bang•a dingtang dingtang scheme-rangko on•ate, Meghalaya a•dokko namdapataha. Indake mikkangchiba Meghalaya a•dokko nambatatna miksonganirangko parakataha.

Modi sorkarini miksonge parakatgiminrang gong 24,000-ko segri nokdangrangna aro saksan nokdangko chalaigipa me•chikrangna bilsio on•gen. 33% sorkarini kamrangko me•chikrangna a•kanggen. Ge 2 LPG cyllender-ko PM Ujjwala Scheme-ni ning•o on•gen. Me•chik bi•sani atchianio gong 50,000-ko on•gen. Gong kror 1000-ko South West Garo Hills-o Captain Williamson Sangma University-ko a•bachengna chamgen. Sak lak 3.5 chadamberangna janggi tangani cholko on•gen aro Tura-o IT Park-ko rikgen. Kam grigipa Graduate-rangna japrako gong 1000-ko bilsisana on•gen. Tura Medical College aro PHC, CHC-rangko namdapatgen. Mirong, Gom aro Dalrangko PDS-ni gita dakchakaniko on•gen. Senior Citizen-rangna japrako gong 1000-ko pension on•gen. Ayushman Bharat-ni ning•o lak 10-ona kingking indin sanna bananiko on•gen. Tura-o Airport-ko a•bachengatgen aro Shillong, Tura-na Helicopter-ko a•bachengatgen. Sorokrangko namdapatgen aro bolni dollongrangko RCC ong•atgen.

Ia miksonganio Modi sorkari Meghalaya-ko namdapatna ku•rachakenga, uni gimin, pilak manderangni ku•monganiko nangenga ine Meghalaya BJP parakataha.

Indake Meghalaya a•dokko mikkangchi namroro silroroatna Prime Minister Narendra Modi, February 24 tariko Tura-ona re•bae, BJP candidate-rangko cheatna campaign ka•anggen ineba parakataha.

Leave A Reply

Your email address will not be published.