Tura, August 17, 2022: North Eastern Students Organisation (NESO) konta gittam sit-in demonsration ba asonge jingjengataniko North East a•dokni pilak headquarter-rango ong•atangaha.
NESO-ni sit-in demonsration-ko ong•atani miksongara CAA-ko jegalna aro North East a•ja gimiko chu•gimik ILP-ko ra•gatchina dabiangaha.
NESO-ni Assistant General Secretary Manseng A.Sangma kobor ra•timgiparangna aganengon, “North East a•jarangona niam gri napdrabaenggipa manderangko champengna gita, India sorkari ja•ku de•na nanga. North East a•jao songdongenggipa manderangko, dal•dalgipa jatrang NE-ni manderangko pangnan mikchepe ba onchepe ra•ronga. North East a•dokni manderangna Central-o Job Reservation-ko Category C aro D-o pangchake donna nanga, unbaksana Special Constitutional Status-koba NE a•dokni manderangna on•na nanga” ine dabiangaha.
Ia dabianirangko India sorkari knachakja ong•ode mikkangchi CCA, Arm Forces Special Power Act-rangni bidingo jingjengatanirangko ong•atanggen ineba NESO parakataha.