Miss Shillong Beauty Pagent-ko ong•atanga

1
Shillong, December 1, 2021: Shillong St Anthony Skul-ni bilsi 38 gapaniko maniani sal November 30 tariko Shillong-ni Fashion Society, Miss Shillong 2021, Beauty Pagent-ko ong•atangjolaha.
Ia Beauty Pagent-o sak 40 bak ra•na galgiparangoniko sak 10-ko seokaha aro Top 5-na sak 5-ko baseaha.Indake Top 5-o seoka man•giparang Active Sports Round aro Evening Gown Round-o ramp ka•aha.
Ia susaanio Miss Shillong 2021-ni bimingko man•giparanga Sufanri Fella Lungkhoi chegipa ong•aha aro indake 1st Runner Up-o Triheena Das aro 2nd Runner Up-o Giovana Kyndiah ong•e seokako man•aha. Apsandake Angela Mary Lyngdoh aro Stella Rica Khongsni-naba boksusko on•angaha.
1 Comment
  1. Dalseng Sangma says

    Meghalaya Day-na rongtalatenggipa Tura-ni gittimrangko Conrad Sangma nianga

    Tura, January 13, 2022:Re•baenggipa January 21 tariko Meghalaya a•dokni bilsi 50 gapaniko manina gita Tura songjinmani dingtang dingtang gittimrango songdongenggipa manderang gittimtangtangko nitoatan baksa rongtal an•talatanirangko daksoengako nina gita Skotong Minister Conrad Sangma Bristibar salo Tura-ni adita gittimrangko re•ange niangaha.
    Indake dingtang dingtang gittimrangko re•roroe niangani somoio Skotong Minister baksa West Garo Hills a•jani Deputy Commissioner, Ram Singh, TMB-ni CEO Rikse R.Marak aro gipin Officer-rang dongpae biaprangko niangtokaha.
    Skotong Minister Tura songjinmani dingtang dingtang gittimrangona re•angmitting somoio manderangna aganangengon, badiaba gittimrango manderang sorkarini a•ao napdrae dongenga, indiba ua a•arangde sorkarini gamsa ong•a. Uni gimin manderang ua biaprango songdongkamna niam dongja ine aganangaha.
    Indakgipa nokdangrangna sorkari gipin cholko on•skana ine agandapangaha. Bang•a manderang Tura aro Williamnagar songjinmao sorkarini a•arango nape dongengani gimin sorkarina namen jajrengani ong•enga. Sorkarini a•arangko maming dakeba manderangna on•na niam dongja.
    Indakgipa a•arangko sorkari maiba kamrangna jakkalgenchimode, songdongenggipa manderang sorkari baksa bakrimna nanga ine Skotong Minister aganangaha.
    Indake ong•engon, an•tangtangni gittimrangko nitoatna aro rongtal an•tale rakkina ku•cholsan kamrangko ka•tokengani gimin Conrad Sangma Tura-ni manderangko mittelangaha. Meghalaya Day-na mang mang nitoe aro rongtale rakkiaigija pangnan an•tangtangni gittimko rongtale aro nitoe rakkiangchina gitaba Sangma manderangko didiangjolaha.

Your email address will not be published.