Meghalaya TMC Tikrikkila-o tom•aniko ong•atanga

0

Tura, January 15, 2022: Meghalaya Trinamool Congress (TMC), Sonibar salo West Garo Hills a•jani Tikrikkila elakkao tom•aniko ong•atangaha. Ia tom•nio sak 5000 chakgipa manderang bakko ra•angaha ine u•iataha.

Indake ia tom•anio TMC Legislative Party-ni dilgipa Dr. Mukul Sangma-ko mande ra•bee rimchaksotokaha. Ia tom•anio Meghalaya TMC State General Secretary Mukul Das, Dr. Mizanur Rahman Kazi, aro Dr Prabir D Sangma bakko ra•angaha.

Dr Mukul Sangma-ko songni bang•a manderang, uni kamrangko namnike grongna re•batokaha.Dr Mukul Sangma jinmana aganprakengon, “Kamtangko watgalple ia tom•anio bakko ra•na re•bagipa sakantikon anga mittelna sika. An•chingni India a•songo jat, torom, chonna, dal•a basegija pilakan apsan meli nangrime donga. Apsandaken Meghalaya a•dokoba jat aro toromko mikkang nitegija ma•gitcham pagitchamrang tom•tome janggi tangdila gita janggi tangenga. Batanggimin bilsirango sorkari rikgipa dolni kamrangko namnikjagenchimode, ia bilsio an•ching dingtanganiko ra•bana gita man•gen. Dilgipako seokengon, an•ching mikkang nitegija pilaknan apsan ka•sagipa mandekosa seokna” ine ku•mongaha.

Leave A Reply

Your email address will not be published.