Meghalaya sorkari ma•mongni GDP-na on•gilanirangko daka

0

 

Shillong, December 29, 2022: Assam a•dokko wate, North East-ni pilak a•dokrang India a•songni GDP-na million 3 batple on•gilna gita man•aha.

A•songni GDP tang•doanichi, a•gilsak gimik a•songrangni gisepo India a•songni Economy ba bongagipa gadangona sokeaha ine parakaha.

Meghalaya a•dok sorkari bilsi 10-ni gisepo nambatsranggipa aro tang•dobatsranggipa a•dok dam 10-o biming dongatpana miksongenga. Indiba dongkamgipa economy-ba stable economy-ko a•doko tangkame rakkina altuagipa ong•ja.

Batanggimin bilsirango Meghalaya a•dokko tang•dodapatna aro namdapatna a•dok sorkari rakbee kamrangko ka•aha. Sorkari game ge•e chagiparangna janggi tangani cholko bikote on•an baksana kam sandienggipa chadamberangna ja•ku de•na gita dakchakanirangko sokatenga ineba parakataha.

Game Ge•e chagiparangna dakchakaniko sokatna gita a•dok sorkari FOCUS Program-ko bikote on•aha. FOCUS aro FOCUS+ Program-ni gita a•dokni sak lak 2 hajar 20 manderangko dakchakna man•aha. Unbaksana ia apsan program-ni gitan sak hajar 50 game ge•e chagiparangko Mission Mode Project-na Lakadong-ni haldi, e•ching aro be•enrango mongsongbatgipa ine donenba kamrangko ka•enga.

Meghalaya Basin Development Authority (MBDA) trainingrangko on•an baksana bang•a dakchakanirangko on•enga. Indake dam 500 songrangni Village Cooperative Society-rangba nokdang ge•antini manderangna kam ka•ani cholrangko bikote on•enga.

Una agreba a•dok sorkari Skill Meghalaya Program-ko Umbrella Scheme-ni bimango bikotaha, jean entrepreneur-rangna aro sol•na repna changgipa manderangna dakchakaniko on•na miksongani ong•a. Indake ia scheme-o lak 2 hajar 20 manderangna dakchakanirangko on•anggen.

PRIME program-ko a•dok sorkari bikotanichi bang•a dakchakanirangko on•aha aro program-o sak 1500 manderang register ka•enba, trainingrangko ra•e, program-ni gita fund-rangko man•enga. Uamangna Shillong aro Tura-o donggipa State-of-the-art Incubation Centre-rango training-rangko on•enga. Indake ge 8 Incubation Centre-rangko a•dokni dam 8 biaprango rikenga.

Information Technology Service Sector, Shillong IT Park a•dokni sak 1500 chadamberangna kam ka•ani cholrangko bikote on•angaha. Indake gnigipa phase-o uamang sak 40,000 manderangna kamrangko on•angkugen ine u•iataha.

Leave A Reply

Your email address will not be published.