Jaintia Hills-o TMC Office-ko nokdonggae on•a

0

Shillong, July 17, 2022: All India Trinamool Congress (AITC) Sonibar salo Jaintia Hills-ni Mowkaiaw songo tom•aniko ong•atangaha. Ia tom•anio Meghalya TMC-ni dilgipa Dr. Mukul Sangma, State President Charles Pyngrope, MLA George B Lyngdoh, James Lyngdoh aro Garo Hills-ni MDC-rang bakko ra•angtokaha.

Ia tom•anio Dr Mukul Sangma, MDA sorkariko rikenggipa NPP dolni kosako matnange aganangaha.

“An•ching a•dokni MDA sorkariko rikenggipa an•chingni dilgiparang, an•chingko dilsretenga. A•palo NPP ine jinmana mesokgenchimoba ning•ao uamang BJP dolni manderangsa ong•a. Uamangni sorkari rikani somoio an•ching sorkarina dangdike on•enggipa an•chingni ka•rimskarang bang•a changon dormahatangko man•na ka•oksie dabianirangko nikna gita man•a. An•ching a•doko bang•a chadamberang kam man•gija dongenga. Meghalaya a•doko bang•a manderang sorkarina dangdike on•nani bilsi matchotaha ba retire ong•aha, mitam manderang siangaha, uamangni kamo asongskana gita bangbang dongenggipa kamrangko sandie jinmana parakatna nanga. Indiba an•chingni sorkari ia kamko ka•ja, iani a•sel an•ching a•dokni bang•a chadamberang kam gri rona nangenga. A•dokni bang•a chadamberang skigipani kamko ka•na ske MTET porikkarangko seaha aro result-rangko on•aha. Sorkarini u•iatani gitade, interview matchotani ja•man ta•raken bangbang dongenggipa kamrangna manderangko basegnok ine u•iataha. Indiba uamang da•alona kingkingba interview-rangko ra•kuja aro bangbang dongenggipa kamrango manderangko gapatkuja. Ian Meghalaya sorkarini simsakgijani a•sel ong•a” ineba aganangaha.

Uasan ong•aigija, an•ching magitcham pagitchamrangni a•arangko NPP sorkari indin Assam a•dokna pakwatataha. Ua an•tangni ka•sagipa mande ong•genchimode, maming saloba a•doktang chigatangko indin pakwate on•jawachim. Uni gimin, an•ching Moukaiaw songni manderang an•ching dingtanganiko ra•bana re•baenggipa 2023 bilsini eleksin-na jinma krimko apsan kamko ka•e gital sorkariko rikna ine Dr Sangma ku•mongdilangaha.

Indake jinma baksa agangolpogrika matchotani ja•mano Dr. Mukul Sangma aro Charles Pyngrope, TMC Office-ko nokdonggae on•angjolaha.

Leave A Reply

Your email address will not be published.