ICFAI-o sal 4-na ong•atanggipa Varsity Week tom•tome matchotanga  

0

Tura, April 7, 2023:ICFAI University Tura Campus-o salbrina ong•atanggipa Varsity Week, Bristibar salo tom•tome aro nambee matchotangaha.

Ia Varsity Week-ko April 3 tarikoni 6 tarikona Tura Campus-o ong•atangaha aro ia Varsity Week-ko “Bilsunia Miktakala” ine katta bichong ba miksonganiko donne ong•ataha. Jeni miksonganian “To Test One’s Strength, Learning Skills and Intellect & Resourcefulness” ong•achim.

Iano kal•susana gita Chatro chatrirangko group ge 4 dake sualaha, uaranga Red House (Riprap), Blue House (Chima), Green House (Nokrek) aro Yellow House (Durama). Ia event-ko biming minganiara, pilak Program-rang, Department-rang aro Semester-rango poraienggipa chatro chatrirangni gisepo apsan ku•monganiko ra•baani ong•a.

Chatro chatrirang an•tangtangni dingtang dingtang kamrango changa-sapaniko jakjale, apsan mesokani ong•a.

“Anga kusi ong•aniko parakna sika, maina chatro chatrirang pilakan gisiko nangbee antigimik, ia Varsity Week-o bak ra•aha aro ia Varsity Week-ko inditan ru•utbea somoini ja•manosa ia Varsity Week-ko ong•attaina man•aha. Chinga mikkangchiba indakgipa dingtang dingtang activity-rangko ong•atangkugen” ine ICFAI University-ni Adviser, VS B.Sangma aganaha. Iano A•chikrangni kal•susaanirang jekai An•ding Oka aro Wa•pong sika, iarang gimikan jatni dakbewal kal•susaani ong•a.

Ia Varsity Week matchota baksa kal•susaanirango chegipa aro nambatsranggipa group, Red House (Riprap) 330 pointrangko man•aha aro Blue House (Chima) 255 pointrangko man•skaha, indake kal•susaanio chegiparangna boksisrangko suale on•angjolaha.

Leave A Reply

Your email address will not be published.