Tura, Mar 29, 2023:Zikku Balgra N.Marak-ni dilenggipa Garo Students’ Union (GSU) Central Executive Committee (CEC), Head Quarter Tura, Meghalaya Hugh Court-ni ra•gatgipa Roster System-ko Voice of the People’s Party (VPP)-ni President Ardent Miller Basaiawmoit, jegale agananiko raken jegalatskaha.
Iani bidingo sing•na nanganide, VPP President Ardent Miller Basaiawmoit, Roster System-ni palo a•dokni manderangna maiko chu•sokate on•na aro maiba nambata system-ko ra•bae on•skana miksongengama?.
GSU President Zikku Balgra N.Marak-ni janapatani gitade, ia Roster System, a•dokni pilak manderangna apsangrik, darangkoba mikkang nitegija, jat basegija apsan cholko on•na miksonge ra•gatgimin niam ong•a.
Ia niamko Ardent Basaiawmoit-ni jegalanide, jat baseani aro je kamkoba mikkang nitee, do•gachol janggil gita tangkana cholko on•na miksongani ong•a. Uni miksonge jegalanide, A•chik jatko onchepe namgipa cholrangko on•na sikgijani kam ong•a, indakgipa political dilgiparangni kamko GSU jegale suk ong•gijaniko parakataha.