GHADC ni Rural Administrative Authority-ni kamko jegala.

0

Williamnagar, October 11, 2022: A•chik Organization for Social Welfare (AOSW) Garo Hills Autonomous District Council (GHADC) Rural Administrative Authority-ni kamko jegalataha.

Uamang Simsanggre Village Court-na Lasker aro membor-rangko seokengon dongimin niamrangko ja•rikjaha ine janapataha.Re•imin Sukrobar salo Simsanggre Village Court-ni Sordar-rang aro sak 36 A•khing Nokmarang GHADC-ni kamko jegalataha.

Simsanggre Village Court-ni da•o ong•enggipa Secretary aro President sak 36 A•khing Nokmarangni gisepo bang•a dingtanggrikanirangko ra•baaha. Indake Secretary, je kamko ka•na skang maina A•khing Nokmarango sing•sandigija uamang “Sorkariko rikenggipa dol jekoba dakna man•aigen” ine aganchakaniko raken jegalataha.

“Simsanggre Village Court-na memborrangko seokangon, uamang song damsa, Rongbing Boldak songnikosan seokaiaha. GHADC-ni seokatako man•gipa membor-rangni bidingo mamingkoba sing•cheng sanchenggija uamangko rakkiaha. Iani bidingo sing•sandianiko dakon uamang maming aganchakaniko on•na man•jaha. Ia gital memborrangko kamo rakkiangni bidingo sak 36 A•khing Nokmarangna maming u•iataniko on•jaha.

Nokmarangni badi ka•ani aro RTI-o janapani gitade, Simsanggre Village Court-ni da•o ong•enggipa Secretary, 2011-oni 2016 bilsiona man•na nanggni renumeration-ko chu•gimik compensation-ni tangkarangko man•enga. Ua tangkarangko batanggimin somoio ong•anggipa Jury membor, Dakora, Court-ni membor ong•achim” ine AOSW-ni President janapatha.

Ia Village Court-ko Roman Empire-ni chasongoniko ja•rike da•onaba tangkame rakkienga. Indake Village Court songni nokni manderangna re•na dona nanggija tangka paisa bon•gija kakket raiko ra•bae on•ronga. GHADC Garo Hills-o songdongenggipa manderangni noksa ong•a. Ua NPP-ni nok ong•ja. Simsanggre Village Court-ni manderang Court-sa ong•a, NPP dolni aro noktang dake jakkalna man•jawa” ineba ua agandapataha.

Batanggip 2016 bilsio GHADC-ni u•iatani gitade, Village Court-ni membor ong•na bilsi 35 ba 60 ong•gipa mande ong•na nanggen. East Garo Hills aro North Garo Hills nnai Lasker-ni aganani gitade, ia u•iataniko Garo Hills-ni pilak Village Court-ni manderangde

man•sojaha. Uni gimin jat na kamko ka•engon darangkoba mikkang nitegija kakketo kamko ka•na nanga ineba ua agandapaha.

Leave A Reply

Your email address will not be published.