Tura, Jan 3, 2023:Garo Hills-ni dolgittam NGO-rang Garoland State Movement (GSMC), Headquarter Tura, Garo Students’ Union (GSU) Central Executive Committee (CEC), Headquarter Tura aro All A•chik Youth Welfare Society (AAYWS), Headquarter Tura, NEHU Campus-o bang•a nanganirangko chu•sokate on•china ru•uta sal somoirangoni dabiengon, da•ona kingkingba chu•sokate on•kujaengni gimin, Monggolbar salo a•dokni Governor, BD Mishra-ko gronge, uamangni dabienggipa memorandum-ko on•ataha ine GSU President Zikku Balgra N.Marak u•iataha.
NGO-rang a•dokni Governor-ko Tura NEHU Campus-o gronge adita somoirangna agangrikahaon, Governor Tura NEHU Campus-ni bidingo study ka•chenggen, uni ja•mano an•tangni jak soka dipet niroke kamrangko ka•angna ku•rachakangaha ine GSU dilgipa u•iataha.