Tura, January 22, 2022: Meghalaya Trinamool Congress (TMC) aro Opposition dolni dilgipa Dr Mukul Sangma Sonibar salo Tikrikkila TMC office-ko oprakee on•angaha.
Ia office-ko oprake on•ani salo ritchani ritcha manderang re•bae Dr Mukul Sangma-ko gronge uko mande ra•an baksa agangolpogrikaha.
“Anga Tikrikkila jolko dingtangatna krenge kamko ka•angen aro manderangni janggi tanganiko namdapatna gita dakchakanirangko on•gen” ine Dr Mukul Sangma manderangna aganaha.
Re•baenggipa Assembly eleksino susana January 6 tariko TMC Dr Mukul Sangma-ko Tikrikkila elakkani Candidate-na seokaha. Indake Dr Sangma Sonibar salo Tikrikkila jolni manderangko gronge gital office-ko oprake on•aniara songni manderangna ka•donganiko ra•baani ong•a ineba aganangaha.
Tikrikilla TMC office-ko oprake on•ani salo Shyamnagar-ni gitcham MDC-rang Wahidur Rahman, Sofiar Rahman Hazarika, a•dokni TMC Joint Secretary Raju Das, Tikrikkila Block-ni President Lithindro Sangma bakko ra•angaha.