Conrad Sangma PM-ni tom•aniko PA Sangma Stadium-o on•jani gimin talata  

0

Tura, Feb 21, 2023: A·songni Prime Minister Narendra Modi-ni tom·bimonganiko ong·atna gita Tura-ni PA Sangma Stadium-ko on•jahani gimin a·dokni Sports department-ko BJP­ dol matnangani gimin janapatengon, Skotong Minister aro NPP-ni National President iano rnaming jak dongja ine Pa Conrad K. Sangma parakatskaha.

Skotong Minister an•tangni kosako mat­nanganirangko jegalat­enba maini gimin Prime Minister Narendra Modi-ni tom·aniko ong·atna, District Administration, PA Sangma Stadium-ko on•jaha, ua mamingkoba ma·sija aro ua an·tangba tom·­ anirangko ong·atna gita biaprangko man•jaha ineba Pa Sangma parakataha.

“Angna biaprangko on•anide, Elec­tion Commission aro Dis­trict Administration-ni bilosa pangchaka aro uamang obostarangko nienba Modi-ni tom·aniko PA Sangma Stadium-ko on•jaenggen,” ine Skotong Minister parakataha.

PA Sangma Stadium-ko matchotgijan nokdonggae on·aha ine matnangani bidingo aganchakatengon, ia stadium-o football stadium aro in­door stadium bakgni donga. Football stadium-ko matchotahani giminsa nokdonggae on·aha, indiba indoor stadium-ko matchotkujaengani gimin ia bakko nokdonggae on·kuja ineba talataha.

“Maini gimin district administration PA Sangma Sta­dium-o tom-chakna on•jaha, uade angni bilo ong•jani gimin, anga iani bidingo mamingkoba aganna man•ja. Bang·a biaprangon torn•anirangko ong·atna gita angnaba pernission-ko on•jaha aro ia pilakan Election Commis­sion aro District Administration-ni ning·osa ong·a,” ineba Pa Sangma agandapataha.

Ia obostani bidingo Conrad Sangma talataniko on•atengon, Meghalaya a·doko PM Narendra Modi-ni BJP dol bilakbaengani giminsa Tura-o PM-ni tom•aniko mitam dolrang champengna jotton ka·enga ine BJP matnangatskaha.

Leave A Reply

Your email address will not be published.