Baghmara, July 17, 2022: South Garo Hills a•jani ning•o donggipa Chokpotgre Songmong Govt LP Skul nok namjani gimin mikka wamitting somoio bi•sarang neng•nikaniko man•enga ine songni manderang u•iataha.
Koborna u•iatani gitade, batanggimin somoio ia skul nokko rikna gita sorkari tangka paisarangko on•ahachim, indiba skulni head master tangkarangko jakkalsrete rikgija donchipani a•sel da•alo indakgipa obostako chagrongna nangaha. Ia skulni gitcham head master kamoni neng•taka ja•man a•gilsakko watangaha.
Ia skulo poraienggipa bi•sarang sak 20-na bate gnangchim, skul nok namjani gimin skul bi•sarang aro skigiparang wachini somoio namen neng•nikaniko man•enga ineba u•iataha.
Uni gimin, ia neng•nikaniko department-ni authority-rang bi•sarangni namgnina ta•rake nirokatpachina songni manderang mol•molataha.