Shillong, Mar 17, 2023: MDA-II sorkari Sukrobar salo Cabinet tom•aniko ong•ate adita ming kam ka•gnirangko approval ka•na ba ra•chakna chanchirimangaha.
Skanggipa Captain Williamson Sangma Technical University Amendment Bill-ni propose ka•gimin, Megjalaya-ni 1st State University-ko Captain Williamson Sangma State University ine dingtang mingjitna Assembly-o table ka•anggen ba chanchigen ine tik ka•angaha.
Gnigipa ge 710 Pre-Primary Skulrangna Grant-in-aid-ko on•na Cabinet tik ka•e ra•chakangaha. Ia grant-in-aid-ko gong 12,000-oni a•bachenge gong 18,000-ona pilak Pre-Primary Skul level-o on•na gita tik ka•angaha.
Gittamgipa, re•baenggipa Budget Session-o Governor-ni skotong ong•e approval ka•e on•aniko ra•chakna Cabinet tik ka•angaha.