Tura, Mar 3, 2023: Ia 2023 bilsini Meghalaya Legislative Assembly election-o National People’s Party (NPP) gimik dam 26 seat-rangko cheaha aro bang·bate seat-rangko man•rikaha.
Ia dam 26 seat-rangoni dam 18-de Garo Hills-o aro dam 8-de Khasi aro Jaintia Hills-o cheaha.
Garo Hills-o chu•gimik dam 24 Assembly elakka-rangoni dam 18 seat-rangko NPP cheaha. Garo Hills-o bangki dam 6 elakka-rangoni dam 4-ko Trinamool Congress (TMC) cheaha, dam 2-oni damsako Indian National Congress (INC) aro damsako Independent candidate cheangskaaha.
Ia electiono Garo Hills gimiko Independent candidate-rangoni Baghmara elakkaosan Kartush R Marak cheaha. West Khasi Hills-o Independent candidate-rangoni Remington Gabil Momin A•chik-rangoni saksa mangmang Independent candidate-o cherikaha.
Garo Hills-ni dam 18 elakka-rango cheanggipa NPP-ni candidate-ranga, Resubelpara-o Timothy D Shira, Mendipathar-o Marthon J Sangma, Kharkutta-o Rupert Momin, Dalu-o Brening A.Sangma, Rongara-Siju-o Rakkam A Sangma, Raksamgre-o Limison D Sangma, Tikrikilla-o Jimmy D Sangma, Mahendraganj-o Sanjay A Sangma, Salmanpara-o Ian Botham K Sangma, Chokpot-o Sengchim N Sangma, Williamnagar-o Marcuise N Marak, Rongjeng-o Jim M. Sangma, South Tura-o Conrad K Sangma, North Tura-o Thomas A Sangma, Rangsakona-o Subir M.Marak, Selsella-o Albinstone B. Marak aro Phulbari elakkao AT Mondal cheaha.
Garo Hills-ni dam 4 elakkarango cheanggipa TMC candidate-ranga Songsak-o Dr Mukul Sangma, Dadenggre-o Rupa M.Marak, Ampati-o Miani D.Shira, Rajabala-o Dr Mizanur Rahman Kazi. Uni gisepon chang 3-na kingking MLA ong•enggipa Gambegre elakkani Congress candidate Saleng A.Sangma brigipa changna MLA seokako man•taiaha.
Khasi aro Jaintia Hills-ni elakka-rango dam 8 seat-rangko cheanggipa NPP-ni candidate-ranga, Umroi-o Damanbait Lamare, Sutnga-Saipung-o Santa Mary Shylla, Raliang-o Comingone Ymbom, Pynursla-o Prestone Tynsong, Nartiang-o Sniawbhalang Dhar, Jowai-o Wailadmiki Shylla, Jirang-o Sosthenes Sohtun aro East Shillong elakka-o Dr Ampareen Lyngdoh cheangaha.
South Tura elakkao Skotong Minister Conrad K.Sangma baksa bilakbate susagipa BJP candidate Bernard N.Marak-ko king 5016 vote-rangchi amataha. Indake ong•engon, uni adatang James K.Sangma-ko TMC candidate Rupa M.Marak king 18 vote-rangchi amatskaha. Una agreba Rajabala elakkani TMC candidate Dr Mizanur Rahman Kazi, NPP candidate Abdus Salleh-ko king 10 vote-rangchi amataha.
Ia changni electiono ama cha•rikgipa Garo Hills-ni sak 10 MLA-ranga Rangsakona-ni Zenith Sangma, Salmanpara-ni Winnerson D.Sangma, Mahendraganj-ni Dikkanchi D.Shira, Phulbari-ni SG Estamatur Mominin, Raksamgre-ni Benedict R.Marak, Dadenggre-ni James K.Sangma, Selsella-ni Ferline CA Sangma, Rajabala-ni Abdus Salleh, Baghmara-ni Samuel M.Sangma aro Chokpot-ni Lazarus M.Sangma. Ia sak 10 MLA-rang an•tangtangni seat-ko man•rikjaha.
Indake ia bilsini electiono NPP sak 26, UDP sak 11, TMC sak 5, Congress sak 5, VPP sak 4, BJP sak 2, HSPDP sak 2 aro Independent sak 2 man•aha. Meghalaya gimiko vote bang•batsrange man•gipa Mawlai elakkani VPP candidate Brightstarwell Marbaniang 24262 vote-rangko man•ne, NPP candidate Teiborlang Pathaw-ko 15648 vote-rangchi amchepataha aro NPP candidate 8614 vote-rangkosan man•rikaiaha.