Shillong, Oct 2, 2022: Tura-ni MDC Pa Bernard Marak-na High Court jamin on•aha, indiba sal 6-na pulis custody-o donatkuenga ine kobor parakataha.
Meghalaya State BJP Vice-President Bernard Marak-ko Tura pulis case ka•ani ja•mano uko rim•ahachim, indiba High Court una jaminko (bail) on•aha.
Tura Eden Bario donggipa Rimpu Bagan (RB) jean Bernard Marak-ni bagan ong•achim, ua bagano me•chikrangko pale cha•ram biap dake jakkalenga aro me•chik bi•sarangko rimange kragija til•ekenga ine pulisrangni chanchichipaniko High Court maming sakki man•jaha.
Ia mamlani bidingo Single Bench-ni Justice Wanlura Diengdoh, Bernard Marak-ko tangka hajal 50,000-ko game personal bond-o watchina ge•etaha. Ua ka•onange darangchiba gipin biapchi ong•katangjachina aro sing•sandianio tom•tome bakrimchina ge•etaha.
High Court-ni paraka gitade, Bernard Marak ua baganko ong•gija kamna jakkale me•chikrangko pale cha•enga ine Tura pulisrangni chanchichipani “sakkirang chu•ongja” aro namedake sakkiko man•jaha ua biapo me•chikrangko pale cha•ani maming chin ba sakki dongja.
“Ua biapo me•chik bi•sarangko ua biapo ong•gija dake til•ek an•chaaniko raid ka•mitting somoio dos donggipa darang mandekoba rim•na man•jaha aro Bernad Marak-ni case dairy-o see rakkianio mamingkon man•jaha ine Court parakaha.
“AAG-ni on•atgipa Session Judge-ni ge•etaniko High Court ra•chakjaha, uni ge•etaniko ra•bija, indiba obostani kri ra•chakani ong•genchimode, bilake sakki gnang ong•na nanggen”, ineba Court janapataha.
Bernard Marak-ko Tura Women PS case No.105 (07) Section-ni ning•o 3/4/5/6/7 Immoral Traffic (Prevention) Act baksa section 370 (3) IPC-o pangchake Chandmari Beat House-ni SI, FS Sangma, Tura Women PS-ni Officer-in Charge-na badi ka•ani gimin uko re•anggipa July jao rim•ahachim.