Tura, Feb 25, 2023:Chief Election Officer (CEO)-ni donsogimin niam gita February 25 tarikni attam 4 bajion Assembly election-na campaign ka•ani somoi bon•aha. Dongimin somoini ja•mano darang political dolni candidate-rang, election agent-rang aro party worker-rang campaign ka•na gita man•jawaha ine District Election Officer, February 23 tarikon West Garo Hills a•jani District Election Officer u•iatmanaha.
Uni gisepon badiaba political dolni candidate-rang, election agent-rang aro party-na kam ka•giparang manigija niam pe•genchimode, uamangni kosako rakgipa ja•kuko de•anggen, ine parakataha.