Alphonsush Marak duko ga•akgipa nokdangni manderang baksa bakrimpaa

0

 Williamnagar, January 22: Williamnagar-ni MDC Alphonsush R Marak a•sel ong•e sianggipa nokdangni manderang baksa dukni somoio bakrimpaeaha.

Williamnagar-ni me•apa saksa Sengsrang B Marak re•anggipa Monggolbar walo rang•gitik a•sel ong•e janggitangko gimaataha. Alphonsush R Marak, duko ga•akenggipa nokdangni manderangko gronge, uamang baksa kalimpaaniko dakangaha.

Koborna parakatani gitade, re•baenggipa MLA eleksino susaenggipa Congress-ni candidate Ma Deborah C Marak-ni depante Ruchil C Marak ta•rakprete gari salani a•sel scooty salenggipa Sengsrang B Marak-ko su•gakeaha. A•sel ong•ani bikan saknaa man•gipa Sengsrang Marak-ko Williamnagar Civil Hospital-ona ra•angahachim, indiba bilongbee saknaako man•ani a•sel janggitangko gimaataha.

Ia a•selni bidingo Ruchil C Marak-ko pulisrang rim•aha, indiba Sonibar salo jamin man•aha ine kobor man•aha. A•sel ong•e, sianggipa Sengsrang B Marak an•tangni ka•sagipa jikgipa aro sakgni demechik sakgni jemangan klas 6 aro 8- poraiengachim, uamangko wate re•angaha.

Uni rang•gitik a•gilsakko wate re•anganina Alphonsush Marak duk ong•paaniko parakataha.

Leave A Reply

Your email address will not be published.