Shillong, Jan 22, 2023: Meghalaya Pradesh Youth Congress (MPYC)-ni General Secretary Te Junebirth C.Marak-ni parakata gitade, All India Congress Committee (AICC), January 21 tarik Sonibar salo Leadership Development Mission (LDM)-na sak 50 Coordinator-rangko appoint ka•e, India a•song gimikna parakataha ine koborna u•iataha.
AICC-ni LDM Coordinator-rangko appoint ka•aniara re•baenggipa 2024 bilsini Lok Sabha General Election-na miksonge tarisoani ong•a.
Indake ong•engon, LDM Coordinator-rangni kamara Plán aro Strategy-rangko AICC baksa Coordinate ka•e, Congress Party-ni dilgiparangko re•dilani ong•gen.
Unbaksana AICC, 2-Tura elakkana bilsi 27 ong•gipa Williamnagar-ni chadambe Te Junebirth C Marak-ko LDM Coordinator-na appoint ka•ataha, jean MPYC-ni General Secretary-ba ong•engachim.