Tura, Mar 17, 2023:All Garo Hills Trained Electrician Association (AGHTEA) Onycon Infra LLP Company-ni kosako jegale, March 16 aro 17 tariko salgnina a•songe jingjengatangaha.
AGHTEA-ni President Justine T. Sangma-ni koborna u•iatani gitade, re•anggipa 2019 aro 2020 bilsirango, Onycon Infra LLP Company-oniko Soubhagya Scheme-ni kamrangko songadamrango BPL Line LT, HT Post aro Meter Transformer Installation-ni kamrangko matchote ka•ahaoba, da•ona kingkingba man•gni tangkarangko on•kujaengani gimin, AGHTEA salgnina asonge Onycon Infra LLP Company-ni kosako raken jegalaniko dakangaha.
“Chingni kam ka•ani tangkarangko March aro April jani gisepo on•chongmotna nanga” ine AGHTEA dabiangaha.
Uni gimin, “Chingni dabianiko antisani gisepo mamingkoba aganchakja ong•ode, chinga Ganol Project-o kam ka•anirangko chu•gimik dontongate jingjengataniko dakangtaigen” ine Justine Sangma parakataha.